అక్షయ్కుమార్, కరీనాక‌పూర్‌, ద‌ల్జీత్‌, కియారా ప్రధాన పాత్రల్లో తెరకెక్కిన చిత్రం ‘గుడ్‌న్యూజ్‌’. ఈ సినిమాను దుబాయ్‌లో జూన్ 11న మ‌ళ్లీ విడుదల చేయ‌బోతున్నారు. ఈ విష‌యాన్ని అక్ష‌య్ కుమార్ త‌న ఇన్‌స్టాగ్రామ్ ద్వారా తెలియ‌జేశారు.
‘అభిమానుల్లారా మిమ్మల్ని కలిసేందుకు ఎదురుచూస్తున్నాను. ‘గుడ్‌న్యూజ్‌’ సినిమాను 11న తిరిగి విడుదల చేసేందుకు అంతా సిద్ధం చేశాం. స్టే సేఫ్‌, స్టే ఎంటర్‌టైన్‌డ్‌’ అని అక్షయ్కుమార్ పోస్టర్‌కు క్యాప్షన్‌ ఇచ్చారు. గ‌త ఏడాది డిసెంబ‌ర్‌లో విడుద‌లైన ‘గుడ్‌న్యూజ్‌’ సినిమాను రాజ్ మెహ‌తా తెర‌కెక్కించారు. ఐవీఎఫ్ ప‌ద్ద‌తిలో పిల్ల‌ల‌ను క‌న‌డానికి ప్ర‌య‌త్నిస్తున్న రెండు జంట‌లు స్మెర్మ్స్ మార్పిడి జ‌రిగితే ఎలాంటి ప‌రిస్థితులు ఉంటాయ‌నే విష‌యాన్ని ఎంట‌ర్‌టైనింగ్‌గా చిత్రీక‌రించారు.
