రాష్ట్రంలో వున్నవి నాలుగు పార్టీలు కదా, అంత ముఖ్యమైన కె సీ ఆర్ గురించి అస్సలు మాట్లాడకుండా, ఆ నాలుగో సింహం ఎక్కడుందీ, అనే విషయం మరచిపోయ్యారో, లేదా ఇది ఇంకో డీల్ లో బాగమో ప్రజలకైతే అర్ధం కాలేదు. ఇంత కాలం కాంగ్రెస్ తో మాత్రమే డీల్ అనుకొన్న ప్రజలు, ‘డీల్ స్టోరీ’ లో ఈ ‘కేసేఆర్ – జగన్’ట్విస్ట్ ఏంటిరా బాబూ అంటూ తలలు పట్టుకొన్నారు.!!
కానీ మొత్తం మీద హైదరాబాదు లో రాష్ట్ర విభజన గురించి పెట్టిన సభలో, సమైక్యాంధ్ర కోసం పెట్టిన సభలో, అసలు కేసీఆర్ గురించి కానీ, టీ ఆర్ యెస్ గురించి కానీ మాట్లాడకుండానే సభను ముగించిన జగన్ ను చూసి అతని అభిమానులు ఏమో కానీ ఇతరులకి మాత్రం ఈ రాజకీయం ఏమిటో అర్ధం కాలేదు. నిన్న మొన్ననే కేసీఆర్ కొన్ని రోజుల తర్వాత బయటకు వచ్చి సీమాంద్రులని, వారి నాయకులని, హైదరాబాదు విషయమై మాట్లాడిన పక్క రోజే, సమైక్యాంధ్ర కోసం జగన్ పెట్టిన సభలో అసలు టీ ఆర్ యెస్ ని ప్రస్తావించకపోవడం , ఖచ్చితంగా రాజకీయ ఎత్తుగదే అని ప్రజలకు స్పష్టమైంది!!