ఆయనో స్టార్ డైరెక్టర్..వరుస సక్సెస్లు కొడుతూ ఇండస్ట్రీ లోనే టాప్ రేంజ్ లో ఉన్నాడు. అయితే ఈ డైరెక్టర్ ఓ స్టార్ హీరో తో సినిమా ఒప్పుకొని అష్టకష్టాలు పడుతున్నాడు. దాదాపు రెండేళ్లు గా ఈ సినిమా కోసమే పనిచేస్తున్నాడు. అయినాగానీ ఇంత వరకు ఈ సినిమా 50 % పూర్తి కాలేదు. ఇదిలా ఉంటె సదరు హీరో టీం సదరు డైరెక్టర్ ను తీవ్ర ఇబ్బందులు పెడుతున్నారట.
గతంలో ఇదే దర్శకుడు రూపొందించిన ఓ బ్లాక్ బస్టర్ సినిమాలోని ఉండే హీరోయిజం ఎలివేషన్ల స్థాయిలో ఈ సినిమాలో హీరోయిజం సీన్లు డిజైన్ చెయ్యాలంటూ హీరోగారి టీమ్ ఒత్తిడి చేస్తున్నారట. దర్శకుడేమో ఆ కథ వేరు.. ఈ కథ వేరు.. రెండూ ఒకటి కాదు.. ఒకటి రెండు కాదు.. మూడు అసలే కాదు.. ఈ 3 ఆ మూడు కాదు అంటూ వారికి అర్థం అయ్యి.. కాని తికమక జవాబులు చెప్పి తప్పించుకుంటున్నారట.
అయితే హీరోగారి టీమ్ మహా తెలివైన వారు.. అందుకే ఇలాంటి ఎక్స్ ప్లనేషన్స్ ఏమాత్రం ఒప్పుకోకుండా మాకు అలాంటి సీన్స్ కావాలంటే కావాలని మారాం చేస్తున్నారట. వీరి మారాం చూసి ఇదెక్కడి లొల్లిరా బాబు అని డైరెక్టర్ అనుకుంటున్నాడట.
