మహానటి చిత్రంతో ఎంతో గుర్తింపు తెచ్చుకున్న కీర్తి సురేష్..ప్రస్తుతం వరుసగా తెలుగు సినిమాల్లో నటిస్తూ బిజీ గా ఉంది. ప్రస్తుతం ఈమె నగేష్ కుకునూర్‌ దర్శకత్వంలో గుడ్‌లక్‌ సఖి చిత్రంలో నటిస్తుంది. క్రీడా నేపథ్యంలో తెరకెక్కుతున్న ఈ చిత్రంలో కీర్తి షూటర్‌గా నటించింది. ఒక షెడ్యూల్‌ మినహా ఈ మూవీ షూటింగ్‌ పూర్తైంది. పోస్ట్ ప్రొడక్షన్ పనులు కూడా ముగింపు దశలో ఉన్నాయి. ఈ నేపథ్యంలో ఈ చ్చిత్ర ఫస్ట్ లుక్ ను స్వాతంత్య్ర దినోత్సవం సందర్భంగా ఉదయం 10 గంటలకు రిలీజ్ చేయబోతున్నట్లు చిత్ర యూనిట్ తెలిపారు.
ఈ మూవీ లో ఆది పినిశెట్టి, జగపతి బాబు కీలక పాత్రల్లో కనిపిస్తుండగా.. దిల్‌ రాజు పమర్పణలో సుధీర్‌ చంద్ర పాదిరి, శ్రావ్య వర్మ నిర్మిస్తున్నారు. రాక్‌స్టార్ దేవీ శ్రీ ప్రసాద్ సంగీతం అందిస్తోన్న ఈ మూవీకి చిరంతన్ దాస్ సినిమాటోగ్రఫీ అందించారు. మూడు భాషల్లో ఈ చిత్రం ప్రేక్షకుల ముందుకు రానుంది.
