విజయ్ దేవరకొండ స్టార్డం రోజు రోజుకు పెరుగుతుంది. పెళ్లి చూపులు , అర్జున్ రెడ్డి , గీత గోవిందం చిత్రాలతో విపరీతమైన ఫ్యాన్ ఫాలోయింగ్ తెచ్చుకున్న విజయ్..తనదైన స్టయిల్ తో ఇతర భాషల అభిమానులను సైతం సొంతం చేసుకున్నాడు.
రీసెంట్‌గా ఇన్‌స్టాగ్రామ్‌లో ఎక్కువ మంది ఫాలోవర్స్ దక్కించుకున్న ఫస్ట్ సౌత్ హీరోగా రికార్డు కొట్టిన విజయ్ ఇప్పుడు మరో మైలురాయి అందుకున్నాడు. ఇండియాలోని టాప్ 50 మెస్ట్ డిజైరబుల్ మెన్స్‌ లిస్ట్ లో విజయ్ ఏకంగా మూడు స్థానం దక్కించుకోవడం విశేషం. ప్రస్తుతం అభిమానులంతా విజయ్ సాధించిన ఘనత ను చెప్పుకొని తెగ సంబర పడుతున్నారు. ఇదిలా ఉంటె తాజాగా విజయ్ ఫ్యామిలీలో మరొకరు చేరారు. మూగ జంతువుల‌పై ఎక్కువ‌గా ప్రేమ చూపిస్తుండే విజయ్ తాజాగా స్టామ్ దేవరకొండ అనే పెంపుడు కుక్కని త‌న ఇంట్లోకి ఆహ్వానించాడు. అంతేకాదు ఆ కుక్క‌తో క‌లిసి విజయ్ సోద‌రుడు ఆనంద్‌, త‌ల్లి, సోద‌రి త‌దిత‌రులు క‌లిసి ఫోటోలు దిగారు. కాగా, విజయ్ ప్రస్తుతం పూరిజగన్నాథ్‌ దర్శకత్వంలో ఓ సినిమా చేస్తున్నారు .