రాష్ట్ర వ్యాప్తంగా 269 డయాలసిస్‌ యూనిట్లను 39 గవర్నమెంట్‌ హాస్పిటల్స్‌లో ప్రవేశ పెట్టినట్లుగా తెలంగాణ ఆరోగ్య శాఖ ప్రకటించడం జరిగింది. దేశంలోనే ఇంత భారీ స్థాయిలో ఒక రాష్ట్రంలో ప్రభుత్వ హాస్పిటల్స్‌లో ప్రారంభించడం మొదటి సారిగా చెబుతున్నారు. రాష్ట్రంలో ముఖ్య నగరాలు మరియు పట్టణాల్లో డయాలసిస్‌ సింగిల్‌ యూజ్‌ యూనిట్లను ఏర్పాటు చేసినట్లుగా ఆరోగ్యశాఖమంత్రి లక్ష్మారెడ్డి పేర్కొన్నారు. తెలంగాణలోని పేద ప్రజలకు మెరుగైన వైధ్య సేవలు అందించేందుకు ప్రభుత్వం కృషి చేస్తుందని, అందులో భాగంగానే డయాలసిస్‌ యూనిట్లను ప్రారంభించినట్లుగా మంత్రి పేర్కొన్నారు. త్వరలోనే మరిన్ని డయాలసిస్‌ యూనిట్లను కూడా ప్రారంభించబోతున్నట్లుగా ఆయన ప్రకటించారు. 