ప్రముఖ రాజకీయ నాయకుడు దేవినేని నెహ్రూ జీవిత కథ ఆధారంగా ‘దేవినేని’ అనే చిత్రం తెరకెక్కుతున్న సంగతి తెలిసిందే. జిఎస్ఆర్, రాము రాథోడ్ సంయుక్తంగా నిర్మిస్తున్న ఈ చిత్రానికి నర్రా శివ నాగేశ్వరరావు ద‌ర్శ‌క‌త్వం వ‌హిస్తున్నారు. నందమూరి తారకరత్న టైటిల్ రోల్‌లో పోషిస్తుండగా.. బెజవాడ లోని మరో సీనియర్ ప్రజా నాయకుడు వంగవీటి రాధ పాత్రలో నటుడు బెనర్జీ నటిస్తున్నాడు.
వంగవీటి రంగ పాత్రలో సురేష్ కొండేటి, చలసాని వెంకటరత్నం పాత్రలో తుమ్మల ప్రసన్న కుమార్ నటిస్తున్నారు. ఇక 1983లో విజయవాడ ఫస్ట్ సూపరిండెంట్ ఆఫ్ పోలీస్ శ్రీ కెఎస్ వ్యాస్ పాత్రను ప్రముఖ సంగీత దర్శకుడు కోటి పోషిస్తుండటం విశేషం. రీసెంట్‌గా చిత్ర షూటింగ్ కంప్లీట్ అయింది. . బెజవాడలో ఇద్దరు మహనాయకుల మధ్య స్నేహం, వైరంతో పాటు కుటుంబ నేపథ్యంలో సెంటిమెంట్‌ను జోడిస్తూ ఈ మూవీ రూపొందిస్తున్నారు.