కేవ‌లం ఆరు ల‌క్షల వ్యయంతో పూర్తయిన సినిమా ఇది. నాగేశ్వర‌రావు పారితోషికం ఎంతో తెలుసా?? రూ.10 వేలు. ఈ సినిమాలో అక్కినేని న‌ట‌న చూస్తే – నిజంగా తాగి సెట్‌కి వ‌చ్చారేమో అనే అనుమానం వేస్తుంది. అస‌లు నిజం ఏమిటంటే…. నాగేశ్వర‌రావు ఫుల్లుగా భోజ‌నం చేసి, సెట్‌కి వచ్చేవార‌ట. షూటింగ్‌ల‌న్నీ రాత్రి స‌మ‌యంలోనే జ‌రిగేవి. అందుకే నిద్ర ముంచుకొచ్చేసేద‌ట. ఆ మ‌త్తులోనే కెమెరా ముందుకు వ‌చ్చేవారు. అందుకే తాగిన మ‌త్తు… కోసం ప్రత్యేకంగా న‌టించే అవ‌సరం రాలేద‌ట. 60 ఏళ్లు కాదు, మ‌రో అర‌వై ఏళ్లు వ‌చ్చినా దేవ‌దాసు గురించి ఇలా చెప్పుకొంటూనే ఉంటాం. అదీ ఈ సినిమాలో ఉన్న గొప్పద‌నం.