అయితే, టీ కాంగ్రెస్ ఎంపీల రాజీనామాలు, తెలంగాణ అంశంపై మొదటి గంటన్నర పాటు ప్రత్యేకంగా చర్చించినట్లు తెలుస్తోంది. రాష్ట్ర వ్యవహారాల ఇన్ ఛార్జి గులాం నబీ ఆజాద్ ఈ సమావేశానికి హాజరయ్యారు. ఆంధ్రప్రదేశ్ కు సంబంధించిన అంశాలపై చర్చి జరిగినంత సేపు ఆజాద్ సమావేశంలో పాల్గొన్నారు. అనంతరం ఆయన బయటకు వెళ్లిపోయారు. అనంతరం కోర్ కమిటీ ఆహార భద్రత బిల్లు చట్టబద్దతపై చర్చించింది. ప్రత్యేక పార్లమెంట్ సమావేశాలు ఏర్పాటు చేసి ఆహార భద్రత బిల్లును ఆమోదించాలని నిర్ణయించిందని తెలుస్తోంది.