మెహర్ రమేష్..ఈ పేరు తెలియని టాలీవుడ్ సినీ ప్రేక్షకులు లేరు. అగ్ర హీరోలతో భారీ డిజాస్టర్స్ తెరకెక్కించిన డైరెక్టర్ గా ఈయన కు మంచి గుర్తింపే ఉంది. వరుస ప్లాప్స్ ఇవ్వడం తో ఈయన తో సినిమాలు చేసేందుకు ఏ నిర్మాత , హీరోకాని సాహసం చేయడం లేదు. దీంతో గత కొన్ని ఏళ్లుగా అవకాశాల కోసం తీరుగుతూనే ఉన్నాడు.
మహేష్ బాబు ఫ్యామిలీ కి , ఇటు మెగా ఫ్యామిలీ కి మంచి సన్నిహితుడు గా ఉంటున్న రమేష్ , వారి నుండి ఒక్క ఛాన్స్ అయినా వస్తే బాగుండు అని వారి చుట్టూ తిరుగుతున్నాడు. కాగా రీసెంట్ గా మెగాస్టార్ చిరంజీవి.. రమేష్ కు ఆఫర్ ఇచ్చాడనే వార్తలు వినిపిస్తున్నాయి. తమిళ్ స్టార్ హీరో అజిత్ కుమార్, డైరెక్టర్ శివ కాంబినేషన్‌లో వచ్చిన ‘వేదాలమ్’ చిత్ర రీమేక్ బాధ్యతలు మెహర్ రమేష్‌కు చిరు అప్పగించారట. ప్రస్తుతం తెలుగు నెటివిటీకి మెహర్ ఆ చిత్రాన్ని మార్చారట. త్వరలోనే పూర్తి స్ర్కిప్ట్‌ చిరుకు మెహర్ వినిపించనున్నాడని అంటున్నారు. అలాగే ఈ చిత్రం చిరుకి ఎంతో ఇష్టమైన క్రియేటివ్ కమర్షియల్స్ బ్యానర్‌లో కె.ఎస్. రామారావు నిర్మించనున్నారని టాక్ నడుస్తుంది. మరి ఇది ఎంతవరకు నిజమో తెలియాల్సి ఉంది.