మెగాస్టార్ చిరంజీవి 65 వ పుట్టిన రోజు ఈరోజు. దీంతో తెలుగు రాష్ట్రాల్లో మెగా సంబరాలు అంబరాన్ని తాకాయి. కరోనా వైరస్ నేపథ్యంలో రోడ్ల పైకి రాకపోయినా సోషల్ మీడియా లో అభిమానులు తమ అభిమానాన్ని చాటుకున్నారు. ఇక ఈరోజు చిరంజీవి పుట్టిన రోజు తో పాటు వినాయక చవితి కూడా ఉండడం తో మెగాస్టార్ ఇంట్లో డబల్ వేడుకలు జరిగాయి.
ఉదయమే వినాయకుడికి ప్రత్యేక పూజలు నిర్వహించినట్లుగా రామ్ చరణ్ ట్వీట్ చేశారు. వినాయకుడికి పూజ చేసిన తర్వాత దిగిన ఫోటోను సోషల్ మీడియాలో పోస్ట్ చేశారు. హ్యాపీ గణేష్ చతుర్థి !!. నాన్న నీకు పుట్టినరోజు శుభాకాంక్షలు అంటూ ట్వీట్ చేశారు. సంప్రదాయ దుస్తులను ధరించి కనిపించారు. మరో ట్వీట్‌లో అంతకు ముందు చెర్రీ వినాయకుడికి పూజ చేస్తున్న ఫోటోతోపాటు తల్లిదండ్రులతో కలిసి ఉన్న మరో పిక్‌ను జోడించాడు.
