మెగాస్టార్ చిరంజీవి – కొరటాల శివ కలయికలో ఆచార్య మూవీ తెరకెక్కుతున్న సంగతి తెలిసిందే. ప్రస్తుతం లాక్ డౌన్ కారణంగా చిత్ర షూటింగ్ కు బ్రేక్ పడింది. ఈ నేపథ్యంలో సినిమా తాలూకా అనేక విషయాలు బయటకొస్తూ సినిమా ఫై అంచనాలు పెంచేస్తున్నాయి. ప్రస్తుతం ఈ మూవీ షూటింగ్ 40 శాతం పూర్తి కాగా..లాక్ డౌన్ తో షూటింగ్ కు బ్రేక్ పడింది. ఇక ఈ మూవీ లో రామ్ చరణ్ మాజీ నక్సలైట్ గా కనిపించబోతాడనే వార్తలు వినిపిస్తున్న సంగతి తెలిసిందే.
ముఖ్యంగా ఈ చిత్రంలోని చరణ్ ఎపిసోడ్స్ చాలా బాగుండనున్నట్టు తెలుస్తుంది. ఈ చిత్రంలో చరణ్ ఒక 25 నిమిషాల వ్యవధి వరకు కనిపిస్తారని ఎప్పటి నుంచి వినిపిస్తున్న టాక్. ఈ కనిపించిన పాతిక నిముషాలు అయినా సరే మాములుగా ఉండవట. పవర్ ఇంటర్వెల్ బ్యాంగ్ తో చరణ్ పరిచయం అయ్యి, గూస్ బంప్స్ ఇస్తారట. అలాగే చిరు మరియు చరణ్ ల మధ్య ఒక అదిరిపోయే సాంగ్ సహా ఓ బ్లాస్టింగ్ యాక్షన్ సీక్వెన్స్ ను కూడా కొరటాల ప్లాన్ చేస్తున్నారట.
