అల వైకుంఠపురం లో చిత్రం తో బ్లక్ బస్టర్ అందుకున్న అల్లు అర్జున్..ప్రస్తుతం సుకుమార్ డైరెక్షన్లో పుష్ప మూవీ చేస్తున్నాడు. ఈ రెండిటికంటే ముందే వేణు శ్రీరామ్ డైరెక్షన్లో ఐకాన్ మూవీ కి ఓకే చెప్పాడు. ఇక సెట్స్ పైకి వెళ్లడమే అనుకునే టైం లో ఈ మూవీ కి బ్రేక్ ఇచ్చి త్రివిక్రమ్ తో సినిమా చేసి సూపర్ హిట్ అందుకున్నాడు.
అయితే ఇటీవల బన్నీ పుట్టినరోజు సందర్భంగా ఐకాన్ గురించి దిల్ రాజ్ నిర్మాణ సంస్థ ట్వీట్ చేసింది. త్వరలోనే ప్రారంభం కాబోతోందని ప్రకటించింది. అయితే అల్లు అర్జున్ మాత్రం ఐకాన్ ఫై పెద్దగా ఇంట్రస్ట్ పెట్టడం లేదట. ప్రస్తుతం సుకుమార్‌తో పుష్ప చేస్తున్న బన్నీ.. తర్వాత కొరటాల శివ, త్రివిక్రమ్ శ్రీనివాస్ సినిమాలను లైన్లో పెట్టాడు. దీంతో దిల్ రాజు ఐకాన్ చిత్రాన్ని మెగా పవర్ స్టార్ రామ్ చరణ్ తో తెరకెక్కించాలనే ఆలోచనలో ఉన్నాడట. అయితే ప్రస్తుతం చేస్తున్న ఆర్ఆర్ఆర్ సినిమా తర్వాత చేసే సినిమాను చరణ్ ఇంకా ప్రకటించలేదు. ఒకవేళ చరణ్ కూడా ఈ సినిమాకు నో చెప్తే నానితో చేయాలనీ దిల్ రాజు ప్లాన్ అని సమాచారం.