థియేటర్స్ మూతపడడం తో ఓటిటి సంస్థలకు ఫుల్ డిమాండ్ పెరిగింది. దీంతో అగ్ర నిర్మాతలు సైతం ఓటిటి ఫ్లాట్ ఫామ్ లోకి అడుగుపెడుతున్నారు. మెగా ప్రొడ్యూసర్ అల్లు అరవింద్ సైతం ఆహా పేరుతో ఓటిటి ఛానల్ ఏర్పటు చేసి పలు సినిమాలు విడుదల చేస్తూ వస్తున్నారు.
తాజాగా మున్నా, దృశిక చందర్ జంటగా ‘బుచ్చినాయుడు కండ్రిగ – తూర్పు వీధి…’ అనే చిత్రం తెరకెక్కింది. కృష్ణ పోలూరు దర్శకత్వం వహించగా.. శ్రీ సాయి పవర్ క్రియేటివ్ వర్క్స్ బ్యానర్‌పై పమిడిముక్కల చంద్రకుమారి నిర్మించారు. రొమాంటిక్ సోషల్ థ్రిల్లర్‌గా రూపొందిన ఈ చిత్రంలో రవి వర్మ, ‘కంచరపాలెం’ రాజు, ప్రభావతి, పవిత్ర ముఖ్య పాత్రలు పోషించారు. ఈ చిత్రం ‘ఆహా’లో ఈనెల 21న విడుదలవుతోంది. ఈ సందర్బంగా ఈ చిత్ర ట్రైలర్ ను మంగళవారం హీరోయిన్ సమంత అక్కినేని ట్విట్టర్ ద్వారా విడుదల చేశారు. ట్రైలర్ చాలా బాగుందని ఆమె కొనియాడుతూ.. చిత్ర యూనిట్‌కు శుభాకాంక్షలు తెలిపారు.
