నందమూరి బాలకృష్ణ జూన్ 10 న 60 వసంతంలోకి అడుగుపెట్టబోతున్నాడు. అలాగే ఈసారి పుట్టిన రోజుకు ఓ ప్రత్యేకత ఉంది. అది బాలయ్య షష్ఠిపూర్తి కావడం. దీంతో ఈ ఈవెంట్ ని భారీ ఎత్తున ప్లాన్ చేస్తోంది నందమూరి కుటుంబం. ఈ వేడుకను పెద్ద ఎత్తున నిర్వహించాలని ఫ్యాన్స్ ఆత్రుత కనబరుస్తున్నారు. బాలయ్య తన నివాసంలో ఓ భారీ విందు ఏర్పాటు చేయనున్నారని ఈ విందులో నందమూరి కుటుంబ సభ్యులతో పాటు టాలీవుడ్ కి చెందిన పలువురు ప్రముఖులు పాల్గొంటారని సమాచారం.
ఇదిలా ఉంటె బాలకృష్ణ , బోయపాటి కలయికలో రాబోతున్న హ్యాట్రిక్ మూవీకి సంబందించిన ఫస్ట్ రోర్ పేరుతో ఒక సర్ప్రైజ్ విడుదల చేయనున్నట్లు అధికారికంగా ప్రకటించారు. ఈరోజు (జూన్ 09) సాయంత్రం 7.09 నిమిషాలకు విడుదల చేయనున్నారు. దీంతో ఆయన అభిమానులు బాలయ్య మొదటి గర్జన కోసం ఆతృతగా ఎదురు చూస్తున్నారు. ఇప్పటికే ఫస్ట్ షెడ్యూల్ లో ఒక ఫైట్ షూట్ చేశామని ఇటీవల ఒక ఇంటర్వ్యూలో చెప్పుకొచ్చారు. దీంతో రేపు బాలయ్య బర్త్ డే ని పురష్కరించుకొని ఈ రోజు రిలీజ్ చేయబోయే ఫస్ట్ రోర్ ఫైట్ కి సంబంధించిందే అయ్యుంటుందని ఫ్యాన్స్ అనుకుంటున్నారు.