నందమూరి బాలకృష్ణ జూన్ 10 న 60 వ వసంతంలోకి అడుగుపెట్టబోతున్న సంగతి తెలిసిందే. ఈ సందర్బంగా అభిమానులు పుట్టిన రోజు వేడుకలను గ్రాండ్ గా జరిపేందుకు సిద్ధమవుతున్నారు. ఇక బాలకృష్ణ సైతం పుట్టిన రోజు సందర్భాంగా మీడియా కు ఇంటర్వ్యూ లు ఇస్తూ అనేక విషయాలను షేర్ చేసుకుంటున్నారు.
ప్రస్తుతం బోయపాటి దర్శకత్వంలో ఓ చిత్రంలో నటిస్తోన్న నందమూరి బాలకృష్ణ తన తదుపరి సినిమాలపై క్లారిటీ ఇచ్చారు. అందులో భాగంగా మాట్లాడుతూ తాను ఓ మలయాళ రీమేక్‌లో నటిస్తానని వస్తోన్న వార్తల్లో ఎలాంటి నిజం లేదని ఆయన క్లారిటీ ఇచ్చారు. అవన్నీ వట్టి పుకార్లేనని స్పష్టం చేశారు. మరిన్ని ప్రాజెక్ట్‌లు కూడా డిస్కషన్ స్టేజ్‌లో ఉన్నాయని, అందులో ఏది ఇంకా ఫైనల్ అవ్వలేదని అన్నారు.
ఇక అదిత్య 369 సీక్వెల్‌లో నటించేందుకు తాను చాలా ఆసక్తిగా ఉన్నానని పేర్కొన్నారు. సింగీతం శ్రీనివాసరావు ఈ ప్రాజెక్ట్‌ని డైరెక్ట్ చేయబోతున్నారని.. దీనికి ఆదిత్య 999 అనే టైటిల్‌ని పెట్టినట్లు కూడా వెల్లడించారు. ఈ సీక్వెల్‌లో నటించేందుకు తాను ఎప్పటి నుంచో ఎదురుచూస్తున్నానని పేర్కొన్నారు. ఇక బోయపాటి సినిమాలో తాను కొత్త లుక్‌లో కనిపించబోతున్నానని.. వరుసగా తాను సినిమాల్లో నటించలేనని బాలయ్య అన్నారు.