నందమూరి బాలకృష్ణ జూన్ 10 న 60 వసంతంలోకి అడుగుపెట్టబోతున్నాడు. అలాగే ఈసారి పుట్టిన రోజుకు ఓ ప్రత్యేకత ఉంది. అది బాలయ్య షష్ఠిపూర్తి కావడం. దీంతో ఈ ఈవెంట్ ని భారీ ఎత్తున ప్లాన్ చేస్తోంది నందమూరి కుటుంబం. ఈ వేడుకను పెద్ద ఎత్తున నిర్వహించాలని ఫ్యాన్స్ ఆత్రుత కనబరుస్తున్నారు. బాలయ్య తన నివాసంలో ఓ భారీ విందు ఏర్పాటు చేయనున్నారని ఈ విందులో నందమూరి కుటుంబ సభ్యులతో పాటు టాలీవుడ్ కి చెందిన పలువురు ప్రముఖులు పాల్గొంటారని సమాచారం.
ఈ వేడుకలో అబ్బాయ్ ఎన్టీఆర్ .. అతడి సోదరుడు కళ్యాణ్ రామ్ ప్రత్యేక ఆకర్షణగా నిలుస్తారని అంటున్నారు. ఆ ఇరువురు బాబాయ్ కి అరుదైన కానుకను అందిస్తారని ఫ్యాన్స్ లో ఊహాగానాలు సాగుతున్నాయి. ఇవే కాకుండా నందమూరి అభిమానులకు మరో కానుకగా రానుంది. బాలయ్య పుట్టినరోజు స్పెషల్ గా బోయపాటి శ్రీను మూవీ ఫస్ట్ ను రిలీజ్ చేయబోతున్నారట. అలాగే బాలయ్య తన తరువాత సినిమాని కూడా ప్రకటించబోతునట్లు తెలుస్తోంది.