అల్లు అర్జున్ – త్రివిక్రమ్ కలయికలో వచ్చిన అల వైకుంఠపురం లో హిందీ లో రీమేక్ చేయబోతున్నారట. తెలుగు లో బ్లాక్ బస్టర్ హిట్ కావడమే కాదు ఏకంగా బాహుబలి 2 నాన్ రికార్డ్స్ బ్రేక్ చేయడం తో ఈ చిత్రాన్ని రీమేక్ చేసేందుకు అన్ని భాషల వారు పోటీ పడుతున్నారు. ముందుగా ఈ చిత్రాన్ని హిందీ లో రీమేక్ చేయబోతున్నారనే వార్తలు వినిపిస్తున్నాయి.
బాలీవుడ్ లో నిర్మాత అశ్విన్ వర్దె హిందీ రీమేక్ హక్కులు కొనుగోలు చెయ్యగా.. ఈ సినిమాలో హీరోగా నటించే వారి విషయంలో చాలా మంది టాప్ హీరోల పేర్లే చక్కర్లు కొడుతున్నాయి. మొదటగా షాహిద్ కపూర్ మరియు అక్షయ్ కుమార్ ల పేర్లు వినిపించగా తర్వాత యువ హీరో కార్తీక్ ఆర్యన్ పేరు కూడా వినిపించింది. అయితే ఇప్పుడు లేటెస్ట్ గా రణ్వీర్ సింగ్ పేరు వినిపిస్తుంది. మరి ఫైనల్ గా ఎవరికీ అల దక్కుతుందో చూడాలి.