పవర్ స్టార్ పవన్ కళ్యాణ్ – త్రివిక్రమ్ కలయికలో వచ్చిన అత్తారింటికి దారేది చిత్రం నేటితో 7 ఏళ్లు పూర్తి చేసుకుంది. శ్రీ వెంకటేశ్వర సినీ చిత్ర పతాకంపై త్రివిక్రమ్ శ్రీనివాస్ దర్శకత్వంలో బీ.వీ.ఎస్.ఎన్. ప్రసాద్ నిర్మించగా 2013 సెప్టెంబర్ 27 న విడుదలైన చిత్రం అత్తారింటికి దారేది. పవన్ కళ్యాణ్, సమంత జంటగా నటించిన ఈ సినిమాలో బొమన్ ఇరానీ, నదియా, ప్రణీత, బ్రహ్మానందం ముఖ్య పాత్రలు పోషించారు. ప్రముఖ సంగీత దర్శకుడు దేవి శ్రీ ప్రసాద్ సంగీతాన్ని అందించాడు.
వృద్ధుడైన ఓ వ్యాపారవేత్త చనిపోబోయే ముందు తన నుంచి దూరంగా వెళ్ళిపోయిన కుమార్తెను చూడాలని తాపత్రయపడుతుంటాడు. అతని మనవడు వెళ్ళి తన మేనత్తకు నచ్చజెప్పి ఎలా తీసుకువచ్చాడనేది ఈ చిత్ర కథాంశం. ఇక ఈ చిత్రం రిలీజ్ కు ముందే ఇంటర్ నెట్ లో సినిమా మొత్తం లీక్ అవడం తో అంత షాక్ అయ్యారు. ఇక సినిమా పని అయిపోయిందని, థియేటర్స్ లలో నడవడం కష్టమే అని అంత అనుకున్నారు. కానీ సినిమా భారీ విజయం సాధించడమే కాదు బాక్స్ ఆఫీస్ దగ్గర రికార్డు బ్రేక్ చేసి పవన్ సత్తా చాటింది. ఈ రికార్డ్స్ చూసి చాలామంది షాక్ లో పడ్డారు. రిలీజ్ కు ముందు సినిమా అంత లీక్ అయినప్పటికీ ఈ రేంజ్ లో వసూళ్లు సాధించిందంటే అది కేవలం పవన్ వల్లనే అని చెప్పుకున్నారు. అలాంటి బ్లాక్ బస్టర్ చిత్రం నేటితో 7 ఏళ్లు పూర్తి చేసుకోవడం తో అంత సంబరాలు చేసుకుంటూ సోషల్ మీడియా లో సినిమా గురించి మాట్లాడుకుంటున్నారు.