రానా- మిహికా ల వివాహం రామానాయుడు స్టూడియో లో శనివారం రాత్రి అంగరంగ వైభవంగా పూర్తి అయ్యింది. శనివారం రాత్రి 8 గంటల 30 నిమిషాలకు వివాహ బంధం తో ఒకటయ్యారు. కరోనా వైరస్ కారణంగా వివాహ వేడుకకు పెద్దగా ఎవర్ని ఆహ్వానించలేదు. పెళ్లి వేడుకలోని ముఖ్యమైన ఫోటోలు ప్రస్తుతం సోషల్ మీడియాలో వైరల్ అవుతున్నాయి.
తాజాగాఈ జంటకు డెయిరీ మిల్క్ బ్రాండ్ అముల్ ఇండియా నుండి స్పెషల్ గిఫ్ట్ లభించింది. రానా, మిహీకల యానిమేటెడ్ డూడుల్‌ను అమూల్ తమ అధికారిక ట్విట్టర్ ఖాతాలో “# అముల్ టొపికల్: ది రానా-మిహీక ‘షాదీ’ ఇంటర్నెట్ సెన్సేషన్!” అనే క్యాప్షన్‌తో షేర్ చేసుకుంది. అందులో వారి యానిమేటెడ్ వెర్షన్లు బ్రెడ్, బటర్‌ను ఒకరికొకరు తినిపించుకుంటున్నట్లుగా కార్టున్ వేశారు.వారితో పాటు, అమూల్ బ్రాండ్ ఐకానిక్ మస్కట్ అముల్ బేబీ కూడా చీరలో నిలబడి బ్రెడ్, బటర్ ప్లేట్‌ను పట్టుకొని ఉండడం చూడవచ్చు. డెయిరీ బ్రాండ్ చిత్రంపై “దగ్గుబటర్లీ వెడ్డింగ్! రానా, యే ఖానా!” అని రాసి ఉంది. అముల్ నుండి వచ్చిన స్పెషల్ ట్వీట్‌కి రానా స్పందిస్తూ.. ఆ సంస్థకు “ధన్యవాదాలు” తెలిపారు.