అక్కినేని అఖిల్ ప్రస్తుతం బొమ్మరిల్లు భాస్కర్ డైరెక్షన్లో ‘మోస్ట్ ఎలిజిబుల్ బ్యాచ్‌ల‌ర్’ చిత్రం చేస్తున్నాడు. పూజా హగ్దే హీరోయిన్ గా నటిస్తున్న ఈ మూవీ ని గీత ఆర్ట్స్ 2 బ్యానర్ లో బన్నీ వాసు ఈ సినిమాను నిర్మిస్తున్నాడు. ప్రస్తుతం షూటింగ్ దశలో ఉన్న ఈ చిత్రాన్ని ఎప్పుడు ప్రేక్షకుల ముందుకు తీసుకురావాలో తెలియక అఖిల్ కన్ఫ్యూజన్‌లో పడ్డాడు.
ముందుగా సంక్రాంతి అనుకున్నప్పటికీ థియేటర్స్ ఆక్యుపెన్సీ 50 % కావడం, సంక్రాంతి బరిలో పెద్ద సినిమాలు ఉండడం తో అఖిల్ వెనుకడుగు వేసాడు. పోనీ ఏప్రిల్ లో అనుకుంటే పవన్ కళ్యాణ్ వకీల్ సాబ్ తో పాటు నాని టక్ జగదీష్ ఉంది. మే లో అనుకుంటే మెగా స్టార్ ఆచార్య తో వస్తున్నాడు. దీంతో అఖిల్ తన సినిమాను ఎప్పుడు రిలీజ్ చేయాలా అని కన్ఫ్యూజన్‌లో ఉన్నాడు. మరి ఈ బ్యాచ్‌ల‌ర్ డేట్ ఎప్పుడు కుదురుతుందో చూడాలి.