మూసకథలు చూసి చూసి బోర్ కొట్టిన సినీ ప్రేక్షకులు కొత్త తరహా కథలు, సస్పెన్స్ థ్రిల్లర్ హారర్ జానర్ సినిమాలు చూసేందుకు ఇంట్రస్ట్ చూపిస్తున్నారు. ఇప్పటికే ఆ తరహా కథలు వచ్చి ఆకట్టుకోగా ..తాజాగా అలాంటి మూవీ తెరకెక్కింది. నితిన్ ప్రసన్న – ప్రీతి అస్రాని ప్రధాన పాత్రలలో తెరకెక్కిన చిత్రం ‘ఏ’ (ఏడీ ఇన్ఫినిటమ్).
విభిన్నమైన కాన్సెప్ట్ తో సైకలాజికల్ థ్రిల్లర్ గా తెరకెక్కిన ఈ మూవీ ఫస్ట్ లుక్ టీజర్ విడుదల చేసారు చిత్ర యూనిట్. ఈ టీజర్ లో ఓ ఫ్యామిలీలో బాలిక మిస్సింగ్ కలకలం రేపింది. ఆ బాలిక మిస్సింగ్ వెనుక ఉన్న రహస్యం ఏమిటీ అనే కోణంలో ఈ చిత్రం రూపొందినట్లుగా టీజర్ చూస్తుంటే అర్థం అవుతుంది. సస్పెన్స్ ఎలిమెంట్స్ తో టీజర్ ఆసక్తికరంగా ఉత్కంఠభరితంగా సాగిందని చెప్పవచ్చు. ”కొన్నిసార్లు వాస్తవాలు కల్పన కంటే స్ట్రేంజర్ గా ఉంటాయి” అనే ఇతివృత్తంతో ఈ సినిమా ఉండబోతోంది. యుగంధర్ ముని ఈ చిత్రానికి దర్శకత్వం వహించగా విజయ్ కూరాకుల సంగీతం అందిస్తున్నాడు. అవంతిక ప్రొడక్షన్స్ బ్యానర్ లో గీతా మిన్సాల నిర్మిస్తున్న ఈ సినిమాకి ప్రవీణ్ కె బంగారి సినిమాటోగ్రఫీ అందించారు. మీరు కూడా ఈ టీజర్ ఫై లుక్ వెయ్యండి.
