సుశాంత్‌సింగ్‌ రాజ్‌పూత్‌ ఆత్మహత్య వ్యవహారంలో ఆరోపణలను ఎదుర్కొంటున్న నటి రియా చక్రవర్తి సుశాంత్ కుటుంబంపై తీవ్రస్థాయిలో ఆరోపణలు చేశారు. మహారాష్ట్ర గృహిణికి, భారత సైన్యంలో సర్జన్‌గా పనిచేసిన వ్యక్తికి జన్మించిన కుమార్తెగా తనను తాను పేర్కొన్న రియా.. తనపై వస్తున్న ఆరోపణలన్నీ పూర్తిగా అర్థరహితమని స్పష్టంచేశారు.
ఈ కేసుకు సంబంధించి దర్యాప్తు సంస్థల నుంచి వచ్చిన ప్రతి ఒక్క అభ్యర్థనకు తాను కట్టుబడి ఉన్నానని అందులో పేర్కొన్నారు. ఇదే సందర్భంలో సుశాంత్ కుటుంబ సభ్యుల్లోని దుర్గుణాలను గుర్తించినట్లు వెల్లడించింది. ఒకరోజు రాత్రి తాను సుశాంత్ ప్లాట్‌లో ఉన్న సమయంలో ఆయన సోదరి మద్యం సేవించి తన పడకగదిలోకి వచ్చిందని, అనంతరం అసభ్యంగా తడిమిందని రియా ఆరోపించింది. కాగ ఈ ఆరోపణలను సుశాంత్ కుటుంబం ఖండించింది.
