ప్రస్తుతం డిజిటల్ స్ట్రీమర్ల హావ బాగా పెరిగింది. అమెజాన్, నెట్ ఫ్లిక్స్‌ వంటి అగ్ర సంస్థలు ఓటీటీ రంగంలో దూసుకెళ్తున్నాయి. దీంతో చాలామంది అగ్ర నిర్మాతలు ఈ రంగంలోకి వచ్చేందుకు మొగ్గు చూపిస్తున్నారు. ఇప్పటికే పలువురు అగ్ర నిర్మాతలు సొంతంగా ఓటిటి చానెల్స్ ఏర్పటు చేయగా..అగ్ర హీరోలు సైతం ఇదే బాటలో ఉన్నారు. ఇక ఇప్పుడు ప్రముఖ నిర్మాత సురేష్ బాబు సైతం సొంతంగా ఓటిటి ఛానల్ ఏర్పటు చేయాలనీ చూస్తున్నాడట.
సురేష్ బాబు అతని కుమారుడు రానా దగ్గుబాటి వెబ్ సిరీస్‌ను రూపొందించే ప్రణాళికలో ఉన్నారు . ఇందుకోసం బలమైన బృందాన్ని ఏర్పాటు చేస్తున్నారు. తాము రూపొందించే వెబ్ సిరీస్‌ల‌ని సొంత ఓటీటీ ప్లాట్‌ఫాంలో విడుద‌ల చేయాల‌ని వీరి ఆలోచ‌న. తాజాగా సురేష్ బాబు సొంత ఓటీటీ ప్లాట్‌ఫామ్ విష‌యంపై స్పందిస్తూ..ప్రస్తుతం మార్కెట్‌ని గ‌మ‌నిస్తున్నాను. త్వ‌ర‌లో దీనిపై ఓ క్లారిటీకి వ‌చ్చే అవ‌కాశం ఉంది అని అన్నారు.