చిత్రసీమ లో వరుస మరణాలు అభిమానులను షాక్ కు గురి చేస్తున్నాయి. ప్రతి రోజు ఏదో ఒక ఇండస్ట్రీ లో ఎవరో ఒకరు మరణిస్తున్నారు. తాజాగా సీనియర్ నటి శాంతమ్మ (94) ఆదివారం రాత్రి కన్నుమూశారు. కన్నడ చిత్రసీమలో దాదాపు 200 పైగా చిత్రాల్లో వివిధ హీరోలకు తల్లి, నానమ్మ పాత్రలతో నటించి మెప్పించారు. వయసు మీద పడటంతో శాంతమ్మ కన్నుమూసారని ఆమె సన్నిహితులు తెలిపారు.
మైసూర్‌లో ఉండే శాంతమ్మ గత కొన్ని రోజులుగా అనారోగ్యంతో బాధపడుతున్నారు.ఈ క్రమంలో చికిత్స పొందుతూ ఆమె మరణించినట్టు డాక్టర్లు చెప్పారు. ఆమె మృతి పై కన్నడ సినీ ఇండస్ట్రీకి చెందిని పలువురు ప్రముఖులు ఆమెకు నివాళులు అర్పించారు.
