వెండితెర ఫై టాప్ హీరోయిన్ గా రాణిస్తూనే ..మరోవైపు వెబ్ సిరీస్ లో అడుగుపెట్టింది అక్కినేని సమంత.ఫ్యామిలీ‌మేన్-2లో ఈ భామ నటిస్తుంది. మొదటిసారి సమంత వెబ్ సిరీస్ లో నటిస్తుండడంతో ఆమె రోల్ ఎలా ఉండబోతుంది అనే ఆసక్తి అభిమానుల్లో నెలకొని ఉంది. అయితే ఇదే వెబ్ సిరీస్ లో నటిస్తున్న ప్రియమణి సామ్ రోల్ గురించి చెప్పుకొచ్చింది.
తాజాగా ఇంటర్వ్యూ ఇచ్చిన ప్రియమణి ఫ్యామిలీ‌మేన్-2 గురించి మాట్లాడింది. `ఫ్యామిలీ‌మేన్-2 రెండో సీజన్‌లో నా పాత్ర మరింత ప్రత్యేకంగా ఉంటుంది. ఈ సిరీస్‌లో సమంత కూడా కనిపించనుంది. అయితే మా ఇద్దరి మధ్య ఎలాంటి సన్నివేశాలూ లేవు. నాకు తెలిసినంత వరకు సమంత ఈ వెబ్ సిరీస్‌లో చాలా విభిన్నంగా కనిపించబోతోంది. ఆమె పాత్ర అందరికీ నచ్చుతుంద`ని ప్రియమణి చెప్పింది.