థియేటర్లు మూత పడటంతో సినీ ప్రేమికులకి ఓటీటీ వేదికలే ప్రత్యామ్నాయంగా మారాయి. ఆ ఆదరణ దృష్ట్యా కొత్త సినిమాలు నేరుగా ఓటీటీ వేదికల్లోనే విడుదలవుతున్నాయి. ప్రస్తుత పరిస్థితులు అనుకూలంగా లేకపోవడం, ఒకవేళ తెరుచుకున్నా ప్రేక్షకులు మునుపటి స్థాయిలో వస్తారో లేదో అనే భయాలు నెలకొన్నాయి. దాంతో అధిక వ్యయంతో తెరకెక్కిన సినిమాలు కూడా మెల్లగా ఓటీటీలవైపు వెళుతున్నాయి. అందులో ‘వి’ కూడా ఉంది. నాని, సుధీర్‌బాబు కథానాయకులుగా నటించిన చిత్రమిది. మోహన్‌కృష్ణ ఇంద్రగంటి దర్శకత్వం వహిస్తున్నారు. దిల్‌రాజు నిర్మాత.
ఈ సినిమాకి సంబంధించిన సందడి త్వరలోనే షురూ కాబోతోందని సమాచారం. వచ్చే వారంలోనే ట్రైలర్‌ని విడుదల చేయనున్నారని తెలుస్తోంది. అందుకు సంబంధించిన కసరత్తులు జరుగుతున్నాయి.