ఈ మధ్య వర్మ ఓ రేంజ్ లో తన దూకుడు కనపరుస్తున్నాడు. లాక్ డౌన్ కారణంగా థియేటర్స్ మూతపడగా..ఆయన మాత్రం ATT లో వరుస సినిమాలు రిలీజ్ చేస్తూ ఆకట్టుకున్నాడు. ఆ సినిమాలు హిట్ , ప్లాప్ లా అనేది పక్కన పెడితే లాభాలు మాత్రం గట్టిగా వస్తున్నాయి. ఇప్పటికే క్లైమాక్స్ , నగ్నం, పవర్ స్టార్ సినిమాలను రిలీజ్ చేసిన వర్మ..ఇప్పుడు మర్డర్ అంటూ రాబోతున్నాడు.
నిన్నటి వరకు పవర్ స్టార్ హడావిడి చేసిన వర్మ …రేపటి నుండి మర్డర్ హడావిడి మొదలుపెట్టబోతున్నాడు. అమృత, మారుతీ రావుల విషాద గాదపై కన్నేసిన రామ్ గోపాల్ వర్మ.. మిర్యాలగూడలో జరిగిన ప్రణయ్ హత్యోదంతంపై ‘మర్డర్’ పేరుతో ఓ సినిమా తెరకెక్కిస్తున్నారు. రెండు తెలుగు రాష్ట్రాల్లోనే గాక దేశవ్యాప్త సంచలనం సృష్టించిన మారుతీరావు- అమృత రియల్ స్టోరీ ఆధారంగా ఈ మూవీ రూపొందిస్తున్నారు. వర్మ సమర్పణలో ఆనంద్‌ చంద్ర దర్శకత్వం వహిస్తున్న ఈ సినిమాకు ‘కుటుంబ కథా చిత్రమ్’ అనే ట్యాగ్ లైన్ పెట్టి ఆసక్తి రేకెత్తించిన ఆర్జీవీ రేపు ఈ చిత్ర ట్రైలర్ ను రిలీజ్ చేస్తున్నట్లు అధికారిక ప్రకటన చేసాడు. మరి ఈ ట్రయిలర్ ఎలా ఉంటుందో చూడాలి.