స్వర్ణా ప్యాలెస్ అగ్నిప్రమాద ఘటనపై హీరో రామ్ ట్వీట్ చేయడం.. దానిపై పోలీసులు ఆగ్రహం వ్యక్తం చేయడం వివాదంగా మారింది. తన అభిప్రాయాలు సోషల్ మీడియాలో చెబితేనే ఆయనకు పోలీసులు నోటీసులిస్తామని హెచ్చరికలు చేయడం ఏమిటన్న చర్చ నడుస్తోంది. ఈ ఘటనపై మాజీ ముఖ్యమంత్రి చంద్రబాబు స్పందించారు.
రామ్‌పై ఏసీపీ వ్యాఖ్యలను చంద్రబాబు ఖండించారు. ట్వీట్ పెట్టడమే విచారణకు అడ్డుపడటంగా… నోటీసులు ఇస్తామని బెదిరించడం సరికాదని … రాష్ట్రంలో ప్రాధమిక హక్కులను యథేచ్చగా ఉల్లంఘిస్తున్నారని మండిపడ్డారు. ప్రశ్నించే గొంతును అణిచేయాలని చూడటం.. ప్రజాస్వామ్యానికి మాయని మచ్చ అని విమర్శించారు