వైసీపీ ఎమ్మెల్యే అంబటి రాంబాబు కరోనా బారిన పడ్డారు. రాంబాబుకు కరోనా టెస్టు చేయగా కరోనా పాజిటివ్‌గా తేలింది. ఇప్పటికే వైసీపీకి చెందిన ఇద్దరు ఎమ్మెల్యేలు కరోనా బారినపడ్డారు. తాజాగా అంబటి రాంబాబుతో ఆ సంఖ్య మూడుకు చేరింది.
ఇప్పటికే పొన్నూరు ఎమ్మెల్యే కిలారి రోశయ్య, తెనాలి ఎమ్మెల్యే అన్నాబత్తిన శివ కుమార్ కరోనా బారినపడ్డారు. అయితే వీరిలో పొన్నూరు ఎమ్మెల్యే కిలారి రోశయ్య పూర్తిగా కోలుకున్నారు. ఇక తెనాలికి చెందిన ఎమ్మెల్యే శివ కుమార్ హోం క్వారంటైన్‌లోనే ఉన్నారు. ఆంధ్రప్రదేశ్ విషయానికి వస్తే రోజు రోజుకు కరోనా కేసులు వేల సంఖ్యలో నమోదు అవుతూ ప్రజలను భయాందోళనలో పడేస్తున్నాయి.
