రాజ్య‌స‌భ సభ్యులు సంతోష్ కుమార్ చేప‌ట్టిన గ్రీన్ ఇండియా ఛాలెంజ్‌కి మంచి ఆద‌ర‌ణ ల‌భిస్తుంది. ప్రముఖ రాజ‌కీయ నాయ‌కులు, సెల‌బ్రిటీలు, క్రీడా ప్ర‌ముఖులు ఇందులో భాగం అవుతున్నారు. ఇప్పటికే పలువురు ఛాలెంజ్ లో పాల్గొని మొక్కలు నాటుతూ మరికొంతమందికి విసురుతున్నారు.
తాజాగా రష్మిక ఈ ఛాలెంజ్ లో పాల్గొని , హీరోయిన్ రాశిఖన్నా కు విసరగా..ఈరోజు రాశిఖన్నా ఛాలెంజ్ ను పూర్తి చేసింది. తన ఇంటి ఆవరణంలో మొక్కలు నాటినట్లు తన ఇంస్టాగ్రామ్ ఖాతాలో తెలిపింది. ఈ సందర్భంగా ప్రముఖ హీరోయిన్లు… రకుల్ ప్రీత్ సింగ్, కాజల్ అగర్వాల్ అలాగే తమన్నాలకు ఈ గ్రీన్ ఇండియా ఛాలెంజ్ విసురుతున్నట్లు, వారు దీనిని స్వీకరించి మొక్కలను నాటి ఇదేవిధంగా ముందుకు కొనసాగించాలని పిలుపునిచ్చింది.
