గత కొంతకాలంగా మాస్ రాజా రవితేజ హిట్ లేక సతమతమవుతున్నాడు. ప్రస్తుతం గోపీచంద్ మలినేని డైరెక్షన్లో క్రాక్ మూవీ చేస్తున్నాడు. గతంలో వీరిద్దరి కలయికలో వచ్చిన బలుపు , పవర్ చిత్రాలు భారీ విజయాలు సాధించడం తో క్రాక్ సైతం అదే రీతిలో విజయం సాదిస్తుందని అభిమానులు , చిత్ర యూనిట్ ధీమా వ్యక్తం చేస్తున్నారు.
ఈ సినిమా సెట్స్ ఫై ఉండగానే నేను లోకల్ ఫేం త్రినాథ రావు నక్కిన డైరెక్ష‌న్ లో సినిమా చేసేందుకు రెడీ అవుతున్నాడు. సినిమాలో రవితేజ క్యారెక్టరైజేషన్ కిక్ సినిమా నుండి ప్రేరణ పొంది రాసుకున్నారని.. కిక్ కి మించిన కామెడీ టైమింగ్ తో రవితేజ క్యారెక్టర్ ఉండబోతుందని తెలుస్తోంది. ఎలాగూ త్రినాథరావ్ నక్కిన గత చిత్రాలు కూడా ‘సినిమా చూపిస్తా మామ’ ‘నేను లోకల్ వంటి సినిమాలు ఫుల్ ఎంటెర్టైమెంట్ తో సాగాయి. కామెడీని త్రినాథరావ్ బాగా హ్యాండిల్ చేస్తారు. ఇక ఈ చిత్రానికి చిరంజీవి పాత క్లాసిక్ మూవీ ‘చంటబ్బాయ్’ అనే టైటిల్ పరిశీలిస్తున్నారు. అప్పట్లో జంధ్యాల దర్శకత్వంలో తెరకెక్కిన ఈ చిత్రం ఇప్పటికీ టీవీల్లో వస్తే అతుక్కపోయి చూసే ప్రేక్షకులున్నారు.
బాక్సాఫీస్ దగ్గర సరైన ఫలితాన్ని అందుకోని ‘చంటబ్బాయ్’ సినిమా టీవీల్లో మాత్రం సూపర్ హిట్ అయింది. ఇక కామెడీ విషయంలో రవితేజ గురించి సెపరేట్‌గా చెప్పాల్సిన పనిలేదు. చంటబ్బాయ్‌గా రవితేజ అలరించడం ఖాయం అంటున్నారు.