సూపర్ స్టార్ రజనీకాంత్ తన ఏజ్ ను ఏమాత్రం లెక్కచేయకుండా యంగ్ హీరోలతో పోటాపోటీగా సినిమాలు చేస్తూ వెళ్తున్నాడు. ఓ సినిమా సెట్స్ ఫై ఉండగానే మరో సినిమాను లైన్ లో పెడుతూ తన జోరు ను చూపిస్తున్నారు. రీసెంట్ గా ఈయన మురుగదాస్ డైరెక్షన్లో దర్బార్ మూవీ తో ప్రేక్షకుల ముందుకు వచ్చి సూపర్ హిట్ అందుకున్న సంగతి తెలిసిందే.
ఇప్పుడు `విశ్వాసం ఫేం శివ దర్శకత్వంలో ఓ సినిమా చేస్తున్నాడు. అయితే మేకర్స్ పూణేలో ఒక కీలకమైన షెడ్యూల్ ను ప్లాన్ చేసారు, కానీ కరోనా మహమ్మారితో ఈ నెలలో కూడా షూట్ ని నిలిపివేశారు. అయితే తాజాగా కొన్ని భారీ సెట్లను నిర్మించాలని యోచిస్తోంది టీం, చెన్నైలోని ఒక స్టూడియోలో పూణే వాతావరణం ప్రతిబింబించేలా సెట్స్ వేయనున్నారు. సెట్స్ పూర్తయ్యాక అక్కడే షూట్ చేయనున్నారు.
కాకపోతే రజినీ ఇప్పట్లో షూట్ లో పాల్గొనడట. కరోనా ప్రభావం తగ్గేవరకూ శివ మిగిలిన సీన్స్ ను షూట్ చేసుకుంటాడట. ఇకపోతే ఎక్కువగా యాక్షన్ మూవీసే చేసే శివ.. మరి సూపర్ స్టార్ తో కూడా ఫుల్ యాక్షనే ప్లాన్ చేశాడా.. లేక కొత్తధనం కోసం కొత్తగా ఏమైనా ట్రై చేశాడా అనేది చూడాలి.