మెగాస్టార్ చిరంజీవి పుట్టిన రోజు అంటే మెగా ఫ్యామిలీ సభ్యులకే కాదు మెగా అభిమానులకు , సినీ స్టార్స్ కు పెద్ద పండగ..ఆ రోజు పలు సేవ కార్య క్రమాలు చేసి ఆకట్టుకుంటున్నారు. అలాగే చిరంజీవి నటిస్తున్న తాజా చిత్రాలకు సంబందించి ఫస్ట్ లుక్ పోస్టర్స్ , టీజర్స్ రిలీజ్ చేసి మెగా ఆనందాన్ని రెట్టింపు చేస్తారు. అయితే ఈ ఆగస్టు 22 మెగాస్టార్ చిరంజీవి బర్త్ డే స్పెషల్ ఏమైనా ఉంటుందా? అభిమానులకు కానుక ఉంటుందా? అంటే .. అందుకు స్పష్ఠత రావడం లేదు.
ఎందుకంటే ప్రస్తుతం కరోనా తీవ్రత ఎక్కువ గా ఉండడం తో ప్రజలు నేక ఇబ్బందులు పడుతున్నారు. అందుకే ఈసారి మెగా గిఫ్ట్ ఉండకపోవచ్చని అంటున్నారు. మరికొంతమంది మాత్రం పుట్టినరోజును పురస్కరించుకొని ఆచార్య ఫస్ట్ లుక్ టీజర్ లాంచ్ చేస్తారని గుసగుసలు వినిపిస్తున్నాయి. ఫ్యాన్స్ మతి చెడేలా మెగాస్టార్ పై అదిరిపోయే విజువల్ ట్రీట్ కి సంబంధించిన టీజర్ లాంచ్ చేస్తారట. ప్రస్తుతం కొరటాల దీనిపై ప్రత్యేక శ్రద్ధ పెడుతున్నారని అంటున్నారు. మరి ఆగస్టు 22 ఏంచేస్థాడో చూడాలి.
