మహానటి ఫేమ్ కీర్తి సురేష్ కు వరుస పెట్టి క్రేజీ ఆఫర్లు వస్తున్నాయి. ఇప్పటికే ‘పెంగ్విన్’ సినిమా ఇటీవల ఓటిటీ లో విడుదల కాగా ‘మిస్ ఇండియా ‘అనే సినిమా విడుదల సిద్ధంగా ఉంది. ప్రస్తుతం ఈ భామ తమిళ్ సూపర్ స్టార్ రజినీ కాంత్ తో ‘అన్నాత్తే’ చిత్రంలో.. ఇటు తెలుగు సూపర్ స్టార్ మహేష్ బాబు ‘ సర్కారు వారి పాట’ సినిమాలు చేస్తుంది.
అలాగే యంగ్ హీరో నితిన్ తో ‘రంగ్ దే ‘ చిత్రంలోనూ నటిస్తుంది ఇన్ని చిత్రాలు సెట్స్ ఫై ఉండగానే కీర్తి మరో అగ్రకథానాయకుడు కమల్‌హాసన్‌ సరసన కూడా నటించే అవకాశాన్ని దక్కించుకున్నట్టు సమాచారం. గౌతమ్‌ మీనన్‌ దర్శకత్వంలో 2006లో విడుదలైన ‘రాఘవన్‌’ చిత్రానికి సీక్వెల్‌గా రూపొందబోయే సినిమాలో కమల్‌ సరసన కీర్తి నటించనుందని కోలీవుడ్ లో ప్రచారం అవుతుంది. దీనిపై అధికారిక క్లారిటీ రావాల్సి ఉంది.