లాక్‌డౌన్ స‌మ‌యంలో వ‌రుస సినిమాలు చేస్తూ హల్చల్ చేస్తున్న ద‌ర్శకుడు రామ్‌గోపాల్ వర్మ.. తాజాగా ‘మర్డర్’ అంటూ మరో మూవీ తో ప్రేక్షకుల ముందుకు రాబోతున్నాడు. తెలుగు రాష్ట్రాల్లో సంచలనం సృష్టించిన ప్ర‌ణ‌య్ హ‌త్య ఘ‌ట‌న ఆధారంగా వర్మ ఈ చిత్రాన్ని తెరకెక్కిస్తున్నారు. ఇప్పటికే ఈ చిత్ర ట్రైలర్ హల్చల్ చేయగా.. తాజాగా ఈ మూవీ తాలూకా సాంగ్ ను రిలీజ్ చేసి సంచలనం రేపాడు.
”పిల్లల్ని ప్రేమించడం తప్పా…?” అనే పాట విడుదల చేశారు. చిన్ననాటి నుంచి అల్లారుముద్దుగా పెంచిన కూతురిని ప్రశ్నిస్తే తప్పా? తప్పు చేస్తే దండించడం తప్పా? అంటూ ఆలోచన కలిగించే పదాలతో కూడిన ఈ సాంగ్‌‌లో ప్రణయ్‌ని ముప్పుగా వర్ణించారు వర్మ. వర్మ సమర్పణలో ఆనంద్‌ చంద్ర దర్శకత్వం వహిస్తున్న ఈ సినిమాలో శ్రీకాంత్ అయ్యంగార్, సాహితి తదితరులు ప్రధాన పాత్రలు పోషిస్తున్నారు. నట్టీస్ ఎంటర్టైన్మెంట్, క్విటీ ఎంటర్టైన్మెంట్ పతాకాలపై నట్టి కరుణ, నట్టి క్రాంతి నిర్మిస్తున్నారు.
