చాల గ్యాప్ తర్వాత పవన్ కళ్యాణ్ వకీల్ సాబ్ తో రీ ఎంట్రీ ఇస్తుండడం తో అభిమానులంతా ఈ మూవీ కోసం వెయ్యి కళ్లతో ఎదురుచూస్తున్నారు. ఈ సినిమాకు వేణు శ్రీరామ్ దర్శకత్వం వహిస్తుండగా శ్రీ వెంకటేశ్వర క్రియేషన్స్ దిల్ రాజు నిర్మిస్తున్నారు. ఇక తమన్ ఈ సినిమాకు సంగీతం అందిస్తున్నారు. ముందుగా అనుకున్న ప్రకారం ఈ సినిమా మే 15న విడుదల కావాల్సింది. కానీ కరోనా వచ్చి రిలీజ్ కు అడ్డు పడింది. ఈ వైరస్ కారణంగా విధించిన లాక్ డౌన్ తో ఈ సినిమా షూటింగ్ లోని చివరి షెడ్యూల్ వాయిదా పడింది.
ప్రస్తుతం సినిమా షూటింగ్స్ కు ప్రభుత్వం అనుమతులు ఇచ్చిన వకీల్ సాబ్ మాత్రం ప్రారంభం కాలేదు. అయితే తమ అభిమాన హీరోను ఎప్పుడెప్పుడు వెండితెర పై చూద్దామా అనుకుంటున్న పవర్ స్టార్ అభిమానులకు ఓ బ్యాడ్ న్యూస్ చెప్పాడు పవన్. తాజాగా ఇచ్చిన ఓ ఇంటర్వ్యూ లో వకీల్ సాబ్ పై పవన్ స్పందిస్తూ.. కరోనా వైరస్ వ్యాప్తి అధికంగా ఉన్న నేపథ్యంలో సామాజిక దూరం పాటిస్తూ షూటింగ్ చేయడం కష్టం. కాబట్టి ఇప్పట్లో షూటింగ్ మొదలుపెట్టడం సరికాదు అని తెలిపారట. ఇక ఆయన మాటలనుబట్టి చూస్తే ఈ సినిమా కోసం పవర్ స్టార్ అభిమానులు వచ్చే ఏడాది వరకు ఎదురుచూడక తప్పదు అనిపిస్తుంది.
