అఖిల్ – బొమ్మరిల్లు భాస్కర్ కలయికలో అఖిల్ నాల్గో సినిమా ‘మోస్ట్ ఎలిజిబుల్ బ్యాచ్‌ల‌ర్’ తెరకెక్కుతున్న సంగతి తెలిసిందే. పూజా హగ్దే హీరోయిన్ గా నటిస్తున్న ఈ మూవీ ని గీత ఆర్ట్స్ 2 బ్యానర్ లో బన్నీ వాసు ఈ సినిమాను నిర్మిస్తున్నాడు. ప్రస్తుతం షూటింగ్ దశలో ఉండగా లాక్ డౌన్ కారణంగా సినిమా కు బ్రేక్ పడింది. త్వరలోనే సినిమా షూటింగ్ పూర్తీ చేసి ప్రేక్షకుల ముందుకు తీసుకరావాలని చిత్ర యూనిట్ భావిస్తుంది.
ఈ సినిమా శాటిలైట్ రైట్స్ భారీ ధరకు అమ్ముడుపోయినట్టు సమాచారం. ఈ చిత్ర శాటిలైట్ రైట్స్‌ను స్టార్ మా ఛానెల్ రూ.6.5 కోట్లకు కొనుగోలు చేసినట్టు చెబుతున్నారు. ఇది అఖిల్ సినిమాల్లో రికార్డ్. ఇంత వరకు అఖిల్ ఏ సినిమాకు ఇంత మొత్తంలో శాటిలైట్ రైట్స్‌కు రాలేదు. దీనితో పాటు థియేట్రికల్ రైట్స్‌కు కూడా తెలుగు రాష్ట్రాల్లోని ఆయా ప్రాంతాల నుంచి ఫ్యాన్సీ ఆఫర్స్ వస్తున్నట్టు సమాచారం.
