కరోనా మహమ్మారి వలలో ఇప్పటికే పలువురు సినీ ప్రముఖులు పడగా..తాజాగా ప్రముఖ గాయకుడు ఎస్‌.పి.బాల‌సుబ్ర‌హ్మ‌ణ్యం పడ్డాడు. ఈ విష‌యాన్ని ఆయ‌న ఓ వీడియో ద్వారా తెలియ‌జేశారు. జ్వ‌రంతో ఇబ్బంది ప‌డుతున్న త‌ను కరోనా టెస్ట్ చేయించుకోగా.. పాజిటివ్ అని డాక్టర్స్ చెప్పిన‌ట్లు ఆయ‌న ఆ వీడియోలో తెలిపారు. ప్ర‌స్తుతం చెన్నైలోని ఓ ప్రైవేటు హాస్పిట‌ల్‌లో చికిత్స తీసుకుంటున్నారు. త‌న ఆరోగ్యం ఎవరూ భ‌య‌ప‌డ‌న‌క్క‌ర్లేద‌ని ఆయ‌న స‌ద‌రు వీడియో ద్వారా తెలియ‌జేశారు. తనకు ఎవరూ పోన్లు చేయవద్దని, డాక్టర్స్ రెస్ట్ అవసరమని సూచించినట్లు తెలిపారు.
ఇప్పటికే టాలీవుడ్ లో సినీ పరిశ్రమకు చెందిన చాలామంది కరోనా బారిన పడ్డారు. దర్శకులు రాజమౌళి, తేజ అలాగే పృథ్వీరాజ్ వంటి మరి కొందరు నటులకి కరోనా సోకింది. టాలీవుడ్ నిర్మాత పోకూరి రామారావు కరోనా బారిన పడి మరణించారు. ఇదే సమయంలో సింగర్ స్మిత కూడా కరోనా బారిన పడినట్లుగా స్వయంగా ఆమె ట్వీట్ చేశారు. ఇక ఇప్పుడు బాలు..మరి ఇంకెంతమంది దీనిబారిన పడతారో చూడాలి.