బాలీవుడ్ లో వరుస సినీ ప్రముఖుల మరణాలు కలవరపెడుతున్నాయి. ఇప్పటికే రిషి క‌పూర్‌, ఇర్ఫాన్ ఖాన్‌, స‌రోజ్ ఖాన్‌, వాజిద్ ఖాన్‌, జ‌గ‌దీష్‌, సుశాంత్ సింగ్ రాజ్‌పుత్, సినీ, టీవీ నటుడు రాజన్‌ సెహగల్, ప్రముఖ మోడ‌ల్‌, న‌టి, గాయ‌ని దివ్య చోక్సీ ఇలా ప్రముఖులు మరణించగా..తాజాగా ప్రముఖ దర్శకుడు రాజ‌త్ ముఖ‌ర్జీ మ‌ర‌ణించారు.
కొద్ది రోజులుగా అనారోగ్యంతో బాధ‌ప‌డుతున్న రాజ‌త్ జైపూర్‌లోని స్వ‌స్థ‌లంలో క‌న్నుమూసారు. ఆయన మృతి తీర‌ని శోకాన్ని మిగిల్చింది. ఆయన లేర‌నే విష‌యాన్ని జీర్ణించుకోలేక‌పోతున్నాం అని మ‌నోజ్ భాజ్‌పాయ్ తెలిపారు. ప‌లువురు ప్రముఖులు కూడా ఆయన మృతికి సంతాపం తెలియ‌జేస్తున్నారు.