అనుష్క కెరీర్‌ని మలుపుతిప్పిన సినిమా ‘అరుంధతి’. దివంగత దర్శకుడు కోడి రామకృష్ణ దర్శకత్వంలో ప్రముఖ నిర్మాత శ్యామ్ప్రసాద్ రెడ్డి ఈ సినిమాను నిర్మించారు. ఇందులో నటనకు గానూ అనుష్కకు ఉత్తమ నటిగా ఫిల్మ్‌ఫేర్‌ పురస్కారం కూడా దక్కింది. ఆ సినిమాను బాలీవుడ్‌కి తీసుకెళ్లడానికి చాలా ఏళ్లుగా ప్రయత్నాలు జరుగుతున్నాయి. అయితే 11 ఏళ్ల తర్వాత ఆ అవకాశం ప్రముఖ నిర్మాత అల్లు అరవింద్‌కి దక్కింది. శ్యామ్ప్రసాద్ రెడ్డి నుంచి ఈ సినిమా రీమేక్‌ హక్కులు కొన్న అరవింద్, మరో నిర్మాత మధు మంతెనతో కలసి బాలీవుడ్‌లో రీమేక్‌ చేస్తున్నారు. అనుష్క పాత్ర కోసం ప్రముఖ కథానాయిక దీపిక పదుకొణెను సంప్రదించారని భోగట్టా.
