బాలకృష్ణ – బోయపాటి కలయికలో హ్యాట్రిక్ మూవీ తెరకెక్కబోతున్న సంగతి తెలిసిందే. ఇప్పటికే ఈ మూవీ షూటింగ్ మొదలుకాగా..లాక్ డౌన్ కారణంగా బ్రేక్ పడింది. కాగా ఈ మూవీ లోని విలన్ల తాలూకా అప్డేట్ బయటకు వచ్చి అభిమానులను ఖుషి చేస్తుంది.
బోయపాటి సినిమాలో యాక్షన్ ఏ రేంజ్ లో ఉంటుందో అందరికీ తెలిసిందే. భారీ విలన్స్ తో సుదీర్ఘమైన పోరాటాలు బోయపాటి తన సినిమాలలో రూపొందిస్తారు. మరి ఈ ఇద్దరు కలిసి చేసే సినిమాలో పోరాటాలు ఏ స్థాయిలో ఉంటాయో ఊహకు కూడా అందని అంశం. బాలయ్యతో బోయపాటి చేసిన సింహా, లెజెండ్ చిత్రాలు బలమైన కథతో పాటు భారీ పోరాటాలు కలిగి వున్నాయి. వాటికీ మించిన యాక్షన్ సన్నివేశాలు ఈ హ్యాట్రిక్ మూవీ లో ఉండబోతున్నాయట. ఆ యాక్షన్ కు తగ్గట్లే విలన్లను బోయపాటి ఎంపిక చేస్తున్నాడట.
