స్టైలిష్ స్టార్ అల్లు అర్జున్ బరువు తగ్గే పనిలో నిమగ్నమయ్యాడు. ఈ ఏడాది ‘అల వైకుంఠ‌పుర‌ములో’ చిత్రంతో భారీ హిట్ అందుకున్న బన్నీ..ప్రస్తుతం సుకుమార్‌తో ప్యాన్ ఇండియా చిత్రం ‘పుష్ప’ లో నటిస్తున్నాడు. అయితే క‌రోనా వైర‌స్ కారణంగా ఈ సినిమా షూటింగ్ నిలిచిపోయింది. ఈ చిత్రంలో పుష్ఫరాజ్‌గా బన్నీ సరికొత్త లుక్‌లో క‌న‌ప‌డనున్నాడు.
ఇదివరకే బన్నీ సరికొత్త లుక్‌ను చిత్రయూనిట్‌ విడుద‌ల చేసిన సంగ‌తి తెలిసిందే. తాజా స‌మాచారం మేర‌కు బన్నీ ఈ సినిమా కోసం బరువు కూడా త‌గ్గుతున్నాడట. ఇప్పటికే బన్నీ ఎనిమిది కిలోల బరువు త‌గ్గాడని వార్తలు వినిపిస్తున్నాయి.