హిట్ , ప్లాప్ లతో సంబంధం లేకుండా శర్వానంద్ వరుస పెట్టి సినిమాలు చేస్తున్నాడు. రీసెంట్ గా జాను సినిమాతో పలకరించిన శర్వా.. శ్రీ కార్తీక్ దర్శకత్వంలో ఓ ద్విభాషా చిత్రంలోనూ నటిస్తున్నాడు. అలాగే కొత్త దర్శకుడు కిషోర్ రెడ్డి దర్శకత్వంలో ‘శ్రీకారం’ అనే సినిమా చేస్తున్నాడు. 14 రీల్స్ బ్యానర్ లో తెరకెక్కుతున్న ఈ మూవీ షూటింగ్ చివరి దశకు చేరుకుంది.
ఈ రెండు ఇలా ఉండగానే RX100 ఫేమ్ డైరెక్టర్ అజయ్ భూపతి డైరెక్షన్లో మహాసముద్రం మూవీ చేయబోతున్నాడు. ఫ్యామిలీ అండ్ యూత్ ఫుల్ హీరో ఇమేజ్ ఉన్న శర్వానంద్ ఈ సినిమాలో నెగిటివ్ షేడ్స్ ఉన్న పాత్రలో కనిపించనున్నట్లు తెలుస్తోంది. పైగా ఈ చిత్రంలో ఇంట్రస్టింగ్ ప్రేమకథ కూడా ఉందట. ఈ సినిమాలో అదితి రావు హైదరి హీరోయిన్ గా నటిస్తోంది. కాగా సినిమాలో హీరోయిన్ పాత్ర చనిపోతుందని.. అలాగే స్టోరీ వరల్డ్ కూడా కాస్త కొత్తగా ఉంటుందని తెలుస్తోంది.