విభిన్న కథలతో ఎప్పుడు ప్రేక్షకులకు కొత్తదనం అందించే డైరెక్టర్ క్రిష్…పవన్ కళ్యాణ్ తో ఓ సినిమా చేస్తున్న సంగతి తెలిసిందే. పవన్ 27 వ చిత్రంగా తెరకెక్కనున్న ఈ మూవీ షూటింగ్ కొన్ని రోజుల క్రితం హైదరాబాద్ లో వేసిన ప్రత్యేక సెట్ లో జరిగింది. ఔరంగజేబు కాలంనాటి కథతో క్రిష్ ఈ మూవీ చేస్తున్నాడు. క్రిష్ డైరెక్ట్ చేసిన శాతకర్ణి , మణికర్ణిక చిత్రాలు హిట్స్ కాగా…ఇప్పుడు పవన్ తో కూడా అదే తరహా కథ తో సినిమా చేస్తున్నాడు.
ప్రస్తుతం లాక్ డౌన్ కారణంగా షూటింగ్ కు బ్రేక్ పడింది. లాక్ డౌన్ అనంతరం మళ్లీ షూటింగ్ మొదలు పెట్టనున్నారు. దీనికోసం భారీ సెట్స్ ప్లాన్ చేసారు. సెప్టెంబ‌ర్ 2న పవన్ బ‌ర్త్‌డే సంద‌ర్భంగా ఈ మూవీ టీజ‌ర్‌ని రిలీజ్ చేయాల‌ని చిత్ర బృందం ప్లాన్ చేస్తోంది. ఈ చిత్ర ఫస్ట్ లుక్ తో పాటు వేణు శ్రీరామ్ డైరెక్షన్లో తెరకెక్కుతున్న వకీల్ సాబ్ చిత్ర ఫస్ట్ లుక్ టీజర్ ను సైతం రిలీజ్ చేయాలనీ మేకర్స్ డిసైడ్ అయ్యారట. ఈ రెండు టీజర్లతో అభిమానులు పండగ చేసుకోవచ్చు.