వర్మ తెరకెక్కించినా పవర్ స్టార్ చిత్రం ప్రస్తుతం ఇండస్ట్రీ లో సోషల్ మీడియా లో పెద్ద దూరమే రేపుతోంది. ట్రయిలర్ రిలీజ్ వరకు పెద్దగా అభిమానులు పట్టించుకోలేదు. కానీ ట్రైలర్ రిలీజ్ అయ్యాక అభిమానుల్లో ఆగ్రహం కట్టలు తెచ్చుకుంది. వర్మ ఫై పగ తీర్చుకోవాలని వర్మ ఫై వెబ్ సిరీస్ లు చేస్తున్నారు. మరోపక్క సోషల్ మీడియా లో వర్మకు వర్ణింగ్ లు. హెచ్చరిక లు జారీ చేస్తున్న క్రమంలో వర్మ సైతం అదే రీతిలో వారికీ వార్నింగ్ ఇచ్చారు.
తాజాగా ఆర్జీవీ ఓ ఇంటర్వ్యూలో యాంకర్ అడిగిన ప్రశ్నలకు బదులిస్తూ.. ”పవర్ స్టార్ కేవలం ఫిక్షన్ సినిమా మాత్రమే. ఎవర్ని ఉద్దేశించి తెరకెక్కించలేదు. ఎంటర్‌టైన్‌మెంట్‌ కోసం తీసింది. అలాగే వార్నింగ్‌లు ఇస్తే భయపడడానికి ఇక్కడ ఎవడూ గాజులు తొడుక్కుని కూర్చోలేదు. నేను ఒక్కడినే ఉన్నా. నా ఆఫీస్ అందరికీ తెలుసు. గూగుల్ మ్యాప్స్‌లో కూడా దొరుకుతుంది. రమ్మనండి ఎవరినైనా చూద్దాం” అంటూ వార్నింగ్ ఇచ్చారు. మరి ఈ సినిమా రిలీజ్ తర్వాత ఇంకెన్ని వార్నింగ్ లు వస్తాయో చూడాలి.
