నిత్యం పవన్ కళ్యాణ్ ఫై ఫోకస్ చేసే రామ్ గోపాల్ వర్మ..ప్రస్తుతం పవర్ స్టార్ తో సినిమానే తెరకెక్కించారు. ఈ మూవీ ఈరోజు ఉదయం 11 గంటలకు ఓటిటి లో రిలీజ్ అయ్యింది. ఈ సినిమా ప్రమోషన్ లలో వర్మ చేసిన హడావిడి అంత ఇంతాకాదు. ఏకంగా పవన్ ఫ్యాన్స్ వర్మ ఆఫీస్ ఫై దాడికి దిగింత వరకు చేసాడు.
తాజాగా పవన్ తాజా లుక్ ఫై సెటైర్ వేశారు. పవన్ కళ్యాణ్, త్రివిక్రమ్, నిర్మాత చినబాబుతో కలిసి నిన్న హీరో నితిన్ మెహందీ వేడుకలకు హాజరయ్యాడు. అయితే ప్రస్తుతం చాతుర్మాస్య దీక్షలో ఉన్న పవన్ దీక్షకు సంబంధించిన డ్రెస్ లోనే వేడుకకు హాజరయ్యి నితిన్ ను ఆశీర్వదించారు. ఇక ఆ ఫోటోలు సోషల్ మీడియాలో వైరల్ అవుతున్నాయి. అయితే ఆ ఫోటో పైన వర్మ స్పందించారు. తన ట్విట్టర్ లో పవన్ – త్రివిక్రమ్ ఉన్న ఫోటో పోస్ట్ చేస్తూ ”బాబు బాబా గా మారిపోయారా..?” అని ట్వీట్ చేశారు. ఆ తర్వాత కేవలం పవన్ ఫోటో పోస్ట్ చేసిన వర్మ ”నేను మాములుగా బాబులను బాబాలను నమ్మను. కానీ ఈ బాబు బాబాను మాత్రం నేను నమ్ముతున్నాను. నాకు మీ ఆశీర్వాదం కావాలి” అని ట్వీట్ చేసి అభిమానుల్లో ఆగ్రహం పెంచాడు.