సంచలన డైరెక్టర్ రామ్ గోపాల్ వర్మ..పవన్ కళ్యాణ్ ప్రస్థానం , ఆయన వ్యక్తిత్వం మీద పవర్ స్టార్ అనే సినిమా చేస్తే..పవన్ కళ్యాణ్ అభిమానులు వర్మ వ్యక్తిత్వం మీద పరాన్నజీవి అనే టైటిల్ తో సినిమా చేస్తున్నారు. ఏ రోజైతే వర్మ ‘పవర్ స్టార్’ సినిమా రిలీజ్ చేస్తానన్నారో అదే రోజు జూలై 25న ‘పరాన్నజీవి’ సినిమాను ఆన్ లైన్‌లో విడుదల చేస్తున్నట్టు ప్రకటించారు పవన్ అభిమానులు.
బిగ్ బాస్ సీజన్ 2 కంటెస్టెంట్, పవన్ కళ్యాణ్ అభిమాని నూతన్ నాయుడు ఈ ‘పరాన్న జీవి’ చిత్రానికి దర్శకత్వం వహిస్తుండగా.. ఈ మూవీ ట్రైలర్‌ను కూడా ఇటీవలే రిలీజ్ చేశారు. రెక్‌లెస్ జెనిటిక్ వైరస్’ అనేది ట్యాగ్ లైన్. పవన్ అభిమాని, జబర్దస్త్ కమెడియన్ షకలక శంకర్ వర్మ పాత్రను చేస్తుండగా.. ఇటీవల విడుదల చేసిన ట్రైలర్‌లో వర్మపై ఓ రేంజ్ సెటైర్లు పేలాయి. 99 థియేటర్ బ్యానర్‌పై స్కై మీడియా ప్రైవేట్ లిమిటెడ్ నిర్మాణ సారథ్యంలో రూపొందుతున్న చిత్రానికి సీఎస్ నిర్మాత.
ఈరోజు (జూలై 22) ఉదయం 11 గంటలకు ఆర్జీవీ ‘పవర్ స్టార్’ మూవీ ట్రైలర్‌ను విడుదల చేయగా.. దీనికి పోటీగా పరాన్నజీవి పోస్టర్స్, సాంగ్స్‌ను విడుదల చేశారు. తాజాగా విడుదలైన పోస్టర్‌లో యవతి తొడపై మందు గ్లాస్ పెట్టి.. వర్మ (షకలక శంకర్) టేక్ చెప్పే పోస్టర్‌ను విడుదల చేశారు.
