తెలుగు చిత్రసీమ లో మరో విషాద ఘటన చోటు చేసుకుంది. సీనియర్ నటుడు , బుల్లితెర ఆర్టిస్ట్ మంచాల సూర్యనారాయణ తుదిశ్వాస విడిచారు. హైదరాబాద్ మోతీనగర్‌లోని తన నివాసంలో గుండెపోటుతో తుడిశ్వాస విడిచారు. ఈ ఉదయం ఆయనకు ఛాతిలో నొప్పి వచ్చిందని, ఆస్పత్రికి తీసుకెళ్లేందుకు ప్రయత్నిస్తుండగానే చనిపోయారని కుటుంబీకులు తెలిపారు. ఈయనకు భార్య ఇద్దరు కుమారులు, ఓ కుమార్తె ఉన్నారు.
లాక్ డౌన్ అనంతరం షూటింగ్స్ ప్రారంభమైన తర్వాత కూడా ఈయన సీరియల్ షూటింగ్స్ లో పాల్గొన్నట్లు కుటుంబ సభ్యులు చెపుతున్నారు. సూర్యనారాయణ మొట్టమొదట 1988 లో వచ్చిన ‘వివాహభోజనంబు’ అనే సినిమాలో నటించారు. సూర్యనారాయణ అనేక నాటకాలు, సీరియల్స్‌తో పాటు సినిమాల్లోనూ నటించారు.
