భారత్‌లో కరోనా వైరస్‌ మహమ్మారి కరాళనృత్యం చేస్తోంది. నిత్యం రికార్డుస్థాయి కేసులు, మరణాలతో విజృంభిస్తోంది. తాజాగా నిన్న ఒక్కరోజే అత్యధికంగా 49,310 పాజిటివ్‌ కేసులు బయటపడ్డాయి. దీంతో దేశంలో కరోనా కేసుల సంఖ్య 12,87,945 కు చేరింది. కేవలం రెండు రోజుల్లోనే దేశవ్యాప్తంగా 95వేల కేసులు నమోదయ్యాయి.
ఇక కొవిడ్‌ సోకి మరణిస్తున్న వారిసంఖ్య నిత్యం రికార్డుస్థాయిలో పెరుగుతోంది. గడిచిన 24గంటల్లో దేశవ్యాప్తంగా 740 మంది మృత్యువాతపడ్డారు. దీంతో దేశంలో కొవిడ్‌ మరణాల సంఖ్య 30,601కు చేరినట్లు కేంద్ర ఆరోగ్యశాఖ వెల్లడించింది. ఒక్కరోజులోనే రికార్డు స్థాయిలో పాజిటివ్‌ కేసులు, మరణాలు చోటుచేసుకోవడం ఇదే తొలిసారి.